ಆಟಿಕೆಯಾದಳವಳು

ಇಂಜಿನಿಯರಿಂಗ್ ದಿನಗಳಲ್ಲಿ ಬರೆದ ಒಂದು ಅಂಕಣ ನನ್ನ ಹಳೆ ದಿನಚರಿಯ ಡೈರಿ ಒಳಗೆ ಹುದುಗಿಹೊಗಿತ್ತು. ಅಲ್ಲಿ ಹೆಂಗ್ ಬರ್ದಿದ್ನೋ ಹಂಗೆ ಇಲ್ಲಿ ಪ್ರಕಟಿಸುತ್ತಿದ್ದೇನೆ. ಅಂಥಾ ವಿಶೇಷ ಏನೂ ಇಲ್ಲ. ಆಗಿನ ನನ್ನ ಮನಸ್ಥಿತಿಯ ಪ್ರತೀಕವಷ್ಟೇ.
'FOR RECORD PURPOSE ONLY' ಅಂತಾರಲ್ಲ. ಅದಕ್ಕಾಗಿ ಪ್ರಕಟಿಸುತ್ತಿದ್ದೇನೆ. ಓದ್ಕೊಳಿ..

ವಿ. ಸೂ - ಇದು ನೈಜ ಘಟನೆಯನ್ನಾಧರಿಸಿದ ಕಾಲ್ಪನಿಕ ಬರಹ :-)
>>>>>>>>>>>>>>>>>>>>>>>>>>>>

 ಆಟಿಕೆಯಾದಳವಳು..


ಅದೊಂದು ಸುಂದರ ಸಂಜೆ. B.E ಎರಡನೇ ವರ್ಷದ ಹುಡುಗರು ಅದ್ಯಾವುದೋ fest ಗಾಗಿ ಸ್ಕಿಟ್ ಪ್ರಾಕ್ಟೀಸ್ ಮಾಡುತ್ತಿರುತ್ತಾರೆ. ಸ್ಕಿಟ್ ನಲ್ಲಿದ್ದ ಹುಡುಗರು ಅತ್ಯುತ್ಸಾಹದಲ್ಲಿ ತಮ್ಮ ನಟನಾ ಚತುರತೆಯನ್ನು ಪ್ರದರ್ಶಿಸುವ ಹಂಬಲದಲ್ಲಿ, ಎಲ್ಲರನ್ನೂ ನಗಿಸುವ ಆಶಯದಲ್ಲಿ ಸ್ಕಿಟ್ ಅಭ್ಯಾಸ ಮಾಡುತ್ತಿರುತ್ತಾರೆ. ಆ ಸಮಯದಲ್ಲಿ ಅವರದೇ ತರಗತಿಯ ಅತ್ಯುನ್ನತ ಸುಂದರಿ, ಕಾಲೇಜಿನ ಬೆಡಗಿ, ರತಿಯನ್ನೂ ನಾಚಿಸುವ 'ಕೃತಿ' ಅದಲ್ಲಿಗೆ ಬರುತ್ತಾಳೆ. ಅವಳನ್ನು ನೋಡಿದ ಕೂಡಲೇ ಸ್ಕಿಟ್ ಮಾಡುತ್ತಿದ್ದ ಹುಡುಗರಲ್ಲಿ ಅದೇನೋ ತಳಮಳ-ಕಳವಳ, ಆ ತಂಪಿನ ಸಂಜೆಯಲ್ಲೂ ಹುಡುಗರು ಬೆವರಿಳಿಸುತ್ತಾರೆ.
ದಿಡೀರನೆ, ಮಾಡುತ್ತಿದ್ದ ಸ್ಕಿಟ್ ಪ್ರಾಕ್ಟೀಸ್ ಅರ್ಧದಲ್ಲೇ ನಿಲ್ಲಿಸಿ ಹೊರಡುತ್ತಾರೆ. ಇಲ್ಲಿಯ ತನಕ ಎಲ್ಲಾ ಹುಡುಗರನ್ನು ಒಂದೇ ಥರದಲ್ಲಿ ಮಾತನಾಡಿಸುತ್ತಿದ್ದ ಅವಳು, ಒಂದೆರಡು ದಿನಗಳಿಂದ 'ಪರಮೇಶ'ನ ಬಗ್ಗೆ ಅದೇನೋ ಹೆಚ್ಚಿನ ಆಸಕ್ತಿ. ಇದನ್ನು ಕಂಡ ಇತರೆ ಹುಡುಗರಿಗೆ ಒಂಥರಾ ಮೈ-ಉರಿ. ಹುಡುಗರಿಗೆ ಸಹಜವಾಗಿ ಬಂತೂ ಕುತೂಹಲ, ಅವರಿಬ್ಬರ ಬಗ್ಗೆ.
ನೋಡುನೋಡುತ್ತಿದ್ದ ಹಾಗಿ ಅವಳ KINETIC ZING ನಲ್ಲಿ ಹತ್ತುಕುಳಿತೇಬೆಟ್ಟ ಪರಮೇಶ. ಅಲ್ಲಿ ನೆರೆದಿದ್ದ ಹುಡುಗರೆಲ್ಲಾ ಮೂಕವಿಸ್ಮಿತರಾದರು. ಹೀಗೆ ಶುರುವಾದ ಅವರಿಬ್ಬರ ಸಂಬಂಧ ನಂತರ ದಿನೇದಿನೇ ಗಟ್ಟಿಯಾಗತೊಡಗಿತು. ಪರಮೇಶನಿಗಿದ್ದ ನಾಲ್ಕು ಸಬ್ಜೆಕ್ಟ್ Back ಗಳೇ ಅವನಿಗೆ ವರದಾನವಾಯಿತು. ಅದರ ಅನುಕಂಪದ ಅಲೆಯೇ ಅವಳನ್ನು ಪರಮೇಶನೆಡೆಗೆ Attract ಮಾಡಿತು.  ಒಂದು ದಿನ ಅವಳು ಫೋನಿನಲ್ಲಿ ಅವರಿಬ್ಬರ ಮದುವೆಯ ಬಗ್ಗೆ ಮಾತನಾಡಿಬಿಟ್ಟಳು. ಹೀಗೆ ದಿನೇ ದಿನೇ ಫೋನಾಟ ಹೆಚ್ಚಾಯಿತು. ಪರೀಕ್ಷೆ ಸಮಯವಾದ್ದರಿಂದ ಕಾಲೇಜಿನ ತರಗತಿಗಳು ನಡೀತಿರಲಿಲ್ಲ. ಆದ್ದರಿಂದ ತರಗತಿಯ ಇತರೆ ವಿದ್ಯಾರ್ಥಿನಿಯರಿಗೆ ಇವರಿಬ್ಬರ ಒಡನಾಟ ಹೆಚ್ಚು ತಿಳಿದಿರಲಿಲ್ಲ. ಅವಳ ಹುಟ್ಟಿದಹಬ್ಬದ ದಿನ ಅವನು ಒಂದು ಒಳ್ಳೆಯ ಗಿಫ್ಟ್ ಅನ್ನು ಕೊಟ್ಟೇಬಿಟ್ಟ. ಪರೀಕ್ಷೆಗಳು ಮುಗಿದವು. ಪರಮೇಶನು ಅವಳದೇ ಗುಂಗಿನಲ್ಲಿ ಪರೀಕ್ಷೆಗಳನ್ನೂ ಮುಗಿಸಿದ.

ಇನ್ನು ರಜಾದಿನಗಳು. ಅವರಿಬ್ಬರ ಜೀವನದ ಅತ್ಯಂತ ಕ್ರೂರ ದಿನಗಳಂತಾಗಿತ್ತು. ಈ ರಜೆಯು ಒಬ್ಬರಿಂದೊಬ್ಬರನ್ನು ದೂರಮಾಡಿತು. ಆದರೂ ಈ ಪ್ರೀತಿಹಕ್ಕಿಗಳನ್ನು ಒಂದು ಮಾಡಿದ್ದು ಮೊಬೈಲ್. ಸೆಲ್ ಫೋನ್ ಇರದ ಪರಮೇಶನಿಗೆ ಕಾಯಿನ್
ಬಾಕ್ಸ್ ಗಳೇ ಜೀವಾಳವಾಯಿತು. ದಿನಕ್ಕೆ ಅರ್ಧ-ಮುಕ್ಕಾಲು ಗಂಟೆಗಳು ಅವರ ಮಾತುಗಳಿಗೆ ಸಮಯವಾಯಿತು. ಒಂದು ದಿನ 'ತಾರೆ ಜಮೀನ್ ಪರ್' ಎಂಬ ಹಿಂದೀ ಚಿತ್ರಕ್ಕೂ ಹೊರಟರು. ನಂತರ ಅವಳು ಹೊರಟಲು ಕೇರಳದ ಅಜ್ಜಿಯಮನೆಗೆ.
ಒಂದು ವಾರಗಳ ಕಾರಣ ಇವನ ಹೆಣಗಾಟ-ಪರದಾಟ ಹೇಳತೀರದು. ಇಬ್ಬರೂ sms ಗಳಲ್ಲೇ ಕಾಲಕಳೆದರು. 143 ಎಂಬ ಅಂಕಿಯೇ ಅವರ ಮಂತ್ರವಾಯಿತು. ಕೇರಳದಿಂದ ಬಂದಳು ಆ ಚೆಲುವೆ- ಆದರೂ ಇವನನ್ನು meet  ಮಾಡಲಿಲ್ಲ. ಬೆಂಗಳೂರಿಗೂ ಹೋಗಿ ಬಂದಳು. ದಿನೇ ದಿನೇ ಫೋನಿನಲ್ಲಿ ಅವರ ಸರಸ ಸಲ್ಲಾಪದ ಮಾತುಗಳು ಹೆಚ್ಚಾಯಿತು.
ಅವರ ಮಾತು ಒಂದೊಮ್ಮೆ ಎಲ್ಲೇ ಮೀರುತ್ತಿತ್ತು. ಮಕ್ಕಳು ಬಗ್ಗೆಯಲ್ಲಾ ಮಾತು ಹೋಗ್ತಿತ್ತು. ಪ್ರೀತಿ ಪವಿತ್ರ, ಪ್ರೇಮ ಅಮರ ಎಂದೆಲ್ಲಾ ಒದರುತ್ತಿದ ಪರಮೇಶನ ಮಾತುಗಳು ಸತ್ಯವಾ ಎಂದೆನಿಸುತ್ತಿತ್ತು. ಪ್ರೀತಿ ಲೈಂಗಿಕ ಆಕರ್ಷಣೆ ಎಂದು 'ನನಗೆ' ಯಾವತ್ತೋ ತಿಳಿದಿತ್ತು. ಪರಮೇಶ ಇದನ್ನು ಒಪ್ಪದಿದ್ದರೂ ಅವರಿಬ್ಬರ ನಡುವಿನ ಮಾತುಗಳು ಅದನ್ನು ಸಾರಿ ಸರ್ರಿ ಹೇಳುತಿತ್ತು.
ಇವರಿಬ್ಬರ ಈ ಪ್ರೀತಿ ಸಾಗರಕ್ಕೆ ನಾನು ಸುನಾಮಿಯಾಗುವ ಲಕ್ಷಣಗಳು ನನ್ನ ಮನಸ್ಸಿನಲ್ಲಿ ಹುಟ್ಟಿತು. ಅವಳನ್ನು ನಾನು ಒಲಿಸಿಕೊಳ್ಳುವುದಾಗಿ ಪರಮೇಶನೆದುರು ಪಣತೊಟ್ಟೆ. ಈ ಚಾಲೆಂಜ್ ನನಗೆ ನನ್ನ ಎಬಿಲಿಟಿ, attitude ಚೇಂಜ್ ನ ದೊಡ್ಡ ಪರೀಕ್ಷೆಯಾಗಿತ್ತು. ಇದು ನನಗೆ ಕೇವಲ ಆಟವಾಗಿತ್ತು. ನನ್ನ ಆಟಕ್ಕೆ ಸಮ್ಮತಿಯಂತೆ ಪುಷ್ಠಿಕೊಟ್ಟನು ಪರಮೇಶ.
ನನ್ನ ಪರಮೇಶನ ಆಟದೊಳಗೆ 'ಆಟಿಕೆ'ಯಾಗಿ ಉಳಿದವಳು - ನಿರಾಭರಣ ಸುಂದರಿ, ಕನಸಿನ ಕನ್ಯೆ 'ಕೃತಿ'.
ಇದು 'ಆಟಿಕೆಯಾದಳವಳು' ಕಥೆ.

ಇಸವಿ - 2006
ಸ್ಥಳ - ಮೈಸೂರು
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

ಆ ಸುಂದರಿ ನಿಜವಾಗಲು ಒಂದು ಆಟಿಕೆಯ ವಸ್ತುವಾಗಿದ್ದಳು. ಕಾಲೇಜಿನ ಕೆಲವು ಲಫಂಗರಿಗೆ. ಲಫಂಗರಲ್ಲದವರೂ ಅವಳ
ಬಗ್ಗೆ ಇಲ್ಲ ಸಲ್ಲದ್ದನ್ನೂ ಮಾತನಾಡುತ್ತಿದ್ದರು. ಅಂಥವರ ಮೇಲಿನ ಕಿಚ್ಚೇ ಈ ಅಂಕಣಕ್ಕೆ ಮೂಲ ಎಂದು ನನಗನ್ನಿಸುತ್ತದೆ, ಆಳವಾಗಿ ಯೋಚಿಸಿದಾಗ.

~ಹೊಗೆ