ಸಿನಿಮಾ ಪ್ರಶ್ನೋತ್ತರ

ವರ್ಷದ ಹಿಂದೆ ನಾಗತಿಹಳ್ಳಿ ಚಂದ್ರಶೇಖರ್ ಅವರು ನಡೆಸುವ ಚಿತ್ರಕಥಾ ಶಿಬಿರದಲ್ಲಿ ಭಾಗವಹಿಸಲು ಅರ್ಜಿ ಹಾಕಿದ್ದೆ.ಅರ್ಜಿ ತುಂಬಲು ಕೆಲವು ಸಿನಿಮಾ ಸಂಬಂಧಪಟ್ಟ ಪ್ರಶ್ನೆಗಳಿಗೆ ಉತ್ತರಿಸಬೇಕಾಗಿತ್ತು. ಅವರ ಪ್ರಶ್ನೆಗಳಿಗೆ ನನ್ನ ಉತ್ತರ ಈ  ಕೆಳಗೆ..

>>>>>>>>>>>>>>>>>>>>>>>>>>>>>>>

1. ಇಂದಿನ ಸಮಾಜಕ್ಕೆ ಎಂಥ ಚಿತ್ರಗಳ ಅವಶ್ಯಕತೆ ಇದೆ?

ಸಾಮಾನ್ಯವಾಗಿ ಜನರು ಚಿತ್ರಮಂದಿರಕ್ಕೆ ಬರುವುದು ಮನರಂಜನೆಗಾಗಿ. ಆದ್ದರಿಂದ ಕೇವಲ ಒಂದು ಚಿತ್ರ, ಸಾಮಾಜಿಕವಾಗಿ ಬದಲಾವಣೆ ತರುವುದು ಕಷ್ಟಸಾಧ್ಯ. ಆದರೆ, ಸಾಲು ಸಲ್ಲು ರೌಡಿಸಂ ಚಿತ್ರಗಳು ಹೇಗೆ ಜನರ ಮನಸ್ಸನ್ನು ಪ್ರಚೋದಿಸುವುದೋ, ಸಾಲು ಸಾಲು ಪ್ರೀತಿ ಪ್ರೇಮ ಚಿತ್ರಗಳು ಹೇಗೆ ಯುವಜನತೆಯ ಮೇಲೆ ಪರಿಣಾಮ ಬೀರುವುದೋ, ಅದೇ ರೀತಿ ಸಾಲು ಸಾಲು ಚಿತ್ರಗಳು ಸಾಮಜಿಕ ಮೌಲ್ಯಗಳನ್ನು ಸಾರುವ ಅಡಿಪಾಯವಿಟ್ಟುಕೊಂಡುಬಂದರೆ  ಜನರ ಮನಸ್ಸನ್ನು ಪರಿವರ್ತನೆ ಮಾಡುವುದು ಕಷ್ಟ ಎನಿಸುವುದಿಲ್ಲ.

ನನ್ನ ಪ್ರಕಾರ CONTEXTUAL ಚಿತ್ರಗಳು ಬರಬೇಕು, ಇಂದಿನ ಸಮಾಜಕ್ಕೆ.

ಉದಾ: ಸದ್ಯ, ಅಣ್ಣಾ ಹಜಾರೆ ಯವರು  ಭ್ರಷ್ಟಾಚಾರದ ವಿರುದ್ಧ ಚಳುವಳಿಯನ್ನು ಅತ್ಯುನ್ನತ ಮಟ್ಟಕ್ಕೆ ಕೊಂಡೊಯ್ದಿದ್ದಾರೆ. ಇದನ್ನೆಲ್ಲಾ ನಾವು ನ್ಯೂಸ್ನಲ್ಲಿ ನೋಡ್ತೀವಿ, ಮನಸ್ಸಿನಲ್ಲೇ 'ಶಹಬ್ಬಾಸ್ ಹಜಾರೆ' ಅಂದ್ಕೊತೀವಿ. ಆದರೆ ಒಬ್ಬ ಜನಸಾಮಾನ್ಯ ತನ್ನ ನಿಜ ಜೀವನದಲ್ಲಿ ಏನೆಲ್ಲಾ ಬದಲಾವಣೆ ಮಾಡಿಕೊಂಡರೆ ಇಂತಹ ಚಳುವಳಿಗಳಿಗೆ ಮತ್ತಷ್ಟು ಶಕ್ತಿ ಬರುತ್ತದೆ, ಮುಂತಾದವುಗಳನ್ನು ಚಿತ್ರಗಳ ಮೂಲಕ ತೋರಿಸಬೇಕು. ಅಂಥಾ ಚಿತ್ರಗಳ ಅವಶ್ಯಕತೆ ಇದೆ.

2. ನೀವು ಮೆಚ್ಚಿದ ಇತ್ತೀಚಿಗೆ ತೆರೆಕಂಡ ಚಿತ್ರಗಳು? ಏಕೆ? 

ಇತ್ತೀಚೆಗೆ ತೆರೆಕಂಡ ಚಿತ್ರಗಳಲ್ಲಿ ಮೂರು ಚಿತ್ರಗಳು ವಿವಿಧ ಕಾರಣಗಳಿಗೆ ನನಗೆ ಇಷ್ಟವಾಯಿತು.

ಅ. ಐ ಯಾಮ್ ಸಾರಿ ಮತ್ತೆ ಬನ್ನಿ ಪ್ರೀತಿಸೋಣ - 

ತುಂಬಾನೇ ಕ್ಲೀನ್ ಚಿತ್ರ. ಕಥಾ ಹಂದರ ತುಂಬಾ ಇಷ್ಟವಾಯ್ತು. climax ತನಕ ಜನರನ್ನು ಹಿಡಿದಿಟ್ಟುಕೊಳ್ಳುವ ಚಿತ್ರಕಥೆ ಅದರ ನಿರೂಪಣೆಯಲ್ಲಿತ್ತು. ಈ ಚಿತ್ರದ title, climax ನೋಡಿದ್ ಮೇಲ್ ಗೊತ್ತಾಗತ್ತೆ - ಎಷ್ಟು apt  ಅಂತ. ನಾಯಕನಿಗೆ ಎಷ್ಟು ಸ್ಕೋಪ್ ಇದ್ಯೋ, ಅಷ್ಟೇ ಸ್ಕೋಪ್ ಚಿತ್ರದ ನಾಯಕಿಗೂ ಇದೆ ಅನ್ನೋದು ವಿಶೇಷ. ಆದರೆ ಇಂಥ ಅಪರೂಪದ ಚಿತ್ರಗಳನ್ನು ಚಿತ್ರಮಂದಿರದಲ್ಲಿ ಹೆಚ್ಚು ದಿನ ಉಳಿಸಿಕೊಳ್ಳಲಾಗದಿದ್ದು ಕನ್ನಡ ಪ್ರೇಕ್ಷಕರ ವಿಪರ್ಯಾಸ  .

ಆ. ವಿನಾಯಕ ಗೆಳೆಯರ ಬಳಗ - 

ತುಂಬಾ ಸಿನಿಮೀಯ ಅನ್ನಿಸದ, ಸದಭಿರುಚಿಯ sensible  ಚಿತ್ರ. ಚಿತ್ರಕಥೆ ಅಷ್ಟು ಗಟ್ಟಿ ಇರ್ಲಿಲ್ಲ ಅನ್ನೋದು ನನ್ನ ಅನಿಸಿಕೆ. 

ಇನ್ನೂ ಉತ್ತಮಗೊಳ್ಳಬಹುದಿತ್ತು. ಅವರ ಪ್ರಯತ್ನ ಅಭಿನಂದನಾರ್ಹ.

ಇ. ಜಿನ್ದಗಿ ನಾ ಮಿಲೇ ದೊಬಾರ -

ಹೃತಿಕ್ ರೋಶನ್ ಅಂತ ಘಟಾನುಘಟಿಯರಿದ್ರು, ಚಿತ್ರ ಅವರ ಮೇಲೆ ಕೇಂದ್ರೀಕೃತಗೊಳ್ಳದೆ ಎಲ್ಲಾ ಪಾತ್ರಗಳಿಗೂ ಉತ್ತಮ ಅವಕಾಶಗಳಿವೆ. ಚಿತ್ರದ ಕಾನ್ಸೆಪ್ಟ್ ಅರ್ಥಗರ್ಭಿತವಾಗಿದೆ. ಬರೀ ವಿದೇಶದಲ್ಲಿ ಚಿತ್ರಿಸಬೇಕೆಂಬ ಕಾರಣಕ್ಕೆ spain  ನಲ್ಲಿ ಚಿತ್ರೀಕರಣ ಮಾಡಿಲ್ಲ. ಕಥೆಗಾಗಿ ಸ್ಪೇನ್ ಗೆ ಹೋಗಿದ್ದಾರೆ. ಆ ದೇಶದ ನೇಟಿವಿಟಿ , ಕಥೆಯ ಎಳೆಗೂ, ಆ ದೇಶದ ಸಂಸ್ಕೃತಿಗೂ ಚೆನ್ನಾಗಿ relate ಮಾಡಿರುವ ಒಳ್ಳೆ ಚಿತ್ರ.

 >>>>>>>>>>>>>>>>>>>>>>>>>>>>>>>>>>>>>>>>>>>>>

ನಿಮ್ಮ ಉತ್ತರಗಳೇನು  ?? :)

~ಹೊಗೆ